ӨНӨӨДРИЙН БАЙДАЛ, АСУУДАЛ
Яармагийн Наадамчдын замаас Туул ба Дунд голын хамгийн өргөн татам дээгүүр энэ автозам, том жижиг гурван гүүрийг 2024 оны 9-р сард ашиглалтанд оруулсан. Харин Эрчим хүчний гудамжнаас Энхтайвны өргөн чөлөө, 1-р хороолол хүртэл автозамын ажил эхлээгүй, зураг төслийн сонгон шалгаруулалт явагдаж байгаа тухай мэдээлжээ. Анх нийт ажлын төсөвт өртөг 119 тэрбум төгрөг гэж зарласан боловч дахиад хөрөнгө оруулалт шаардагдах бололтой.
Энэхүү гүүр, автозамын трасс нь Дунд гол ба Туул голын татам нийлсэн хамгийн өргөн хэсгийг огтлон тавигдаж байна. Түүгээр ч зогсохгүй энд усны сан бүхий газар, усны эх үүсвэрийн онцгой болон энгийн хамгаалалтын, эрүүл ахуйн бүсийн дэглэмийг дагаж мөрдөөгүй, зөрчсөн харагдаж байна. Улмаар хоёр голын татам дотор аль хэдийнэ орон сууцны хотхон баригдаж ашиглалтад орсон, мөн бусад үйлдвэрлэлийн болон бусад зориулалтын барилга байгууламж баригдсан буюу баригдаж эхэлсэн байна.
Энэ зам, гүүртэй зэрэгцүүлэн дахиад хоёр гүүрэн байгууламжийг барих гэж байна. Нэг нь дүүжин тээврийн шугам бөгөөд Яармагийн дэнж дээр эхний буудлын бэлтгэл ажил эхэлжээ. Нөгөө нь Туулын авто замыг Нүхтийн авто замтай холбох авто замын Наадамчдын гудамжны авто зам дээгүүр барих 800у/м дүүжин буюу татлагат гүүр юм. Зураг төслийн ажил нь дуусч байгаа тухай Зам, тээврийн хөгжлийн яамнаас 2024 оны 7-р сард мэдээлжээ. Ингэж нэг байрлалд гурван төрлийн гүүрэн байгууламжийг зэрэгцүүлэн барих гэж байгаа нь ойлгомжгүй. Тэгээд ч гуравдахь гүүрийн санхүүжилт одоо хүртэл тодорхойгүй байна.
Наадамчдын авто замаас Энхтайваны өргөн чөлөө хүртэлх авто зам, замын барилга (1 дугээр хэсэг гүүрийн барилгын ажил) 2024 оны төсөв (2024.09.24-нд нэмэлт өөрчлөлт оруулсан)
Төсвийн ангилал: Нийслэлийн төсвийн хөрөнгө оруулалтын 2024 оны төсвийн жилд хэрэгжүүлэх барилга байгууламж, төсөл, арга хэмжээний жагсаалт. Дугаар 181
Эхлэх он: 2023 | Дуусах он: 2024
Төсөвт өртөг: 77.829.7 тэрбум төгрөг | 2024 онд санхүүжих: 8,984.8 тэрбум төгрөг
Наадамчдын авто замаас Энхтайвны өргөн чөлөө хүртэлх авто замын ажил (2 дугаар хэсэг)
2024 оны төсөв (2024.09.24-нд нэмэлт өөрчлөлт оруулсан)
Төсвийн ангилал: Нийслэлийн төсвийн хөрөнгө оруулалтын 2024 оны төсвийн жилд хэрэгжүүлэх барилга байгууламж, төсөл, арга хэмжээний жагсаалт. Дугаар 182
Эхлэх он: 2023 | Дуусах он: 2025
Төсөвт өртөг: 27,462.3 тэрбум төгрөг | 2024 онд санхүүжих: 11.462.3 тэрбум төгрөг
Наадамчдын авто замаас Энхтайваны өргөн чөлөө хүртэлх авто зам, замын байгууламжийн барилгын ажил нэгдүгээр хэсэг (Улаанбаатар хот, Баянгол дуурэг, 20 дугаар хороо, Хан-Уул дуурэг, 4 дүгээр хороо) 2024 оны төсөв (2024.09.24-нд нэмэлт өөрчлөлт оруулсан)
Төсвийн ангилал: Нийслэлийн төсвийн хөрөнгө оруулалтын 2024 оны төсвийн жилд хэрэгжүүлэх барилга байгууламж, төсөл, арга хэмжээний жагсаалт. Дугаар 183
Эхлэх он: 2023 | Дуусах он: 2024
Төсөвт өртөг: 17,532.9 тэрбум төгрөг | 2024 онд санхүүжих: 5,532,8 тэрбум төгрөг
Туулын автозамыг Нисэхийн хурдны автозамтай холбож, Наадамчдын автозам дээгүүр гүүрэн байгууламжийн барилга угсралтын ажил 2025 оны төсөв (2024.12.25-нд нэмэлт өөрчлөлт оруулсан)
Төсвийн ангилал: Нийслэлийн төсвийн хөрөнгө оруулалтын 2025 оны төсвийн жилд хэрэгжүүлэх барилга байгууламж, төсөл, арга хэмжээний жагсаалт. Дугаар 126
Эхлэх он: 2025 | Дуусах он: 2027
Төсөвт өртөг: 120,200.0 тэрбум төгрөг | 2024 онд санхүүжих: 36,060.0 тэрбум төгрөг
ҮНДСЭН МЭДЭЭЛЭЛ
ТӨЛӨВЛӨЛТ БА ГҮЙЦЭТГЭЛИЙН ТҮҮХ
2024.11.07. “Эрчим хүчний гудамжны авто замын өргөтгөл, их засварын ажил (Улаанбаатар хот, Баянгол дүүрэг, 20 дугаар хороо)-ын техник технологийн хяналт, зөвлөх үйлчилгээний зардал” гэсэн тендер шалгаруулалт зарлав.
Төсөвт өртөг: 559,700,000 ₮
Эх сурвалж: https://www.tender.gov.mn/mn/invitation/detail/1730176062922
2024.10.31. “Наадамчдын замыг Эрчим хүчний гудамжтай холбосон авто зам, гүүрийн цэвэрлэгээ, үйлчилгээ” тендер сонгон шалгаруулалт зарлав
Төсөвт өртөг: 89,730,900 ₮
Эх сурвалж: https://www.tender.gov.mn/mn/invitation/detail/1730175915499
2024.09.26. Наадамчдын гудамжнаас Эрчим хүчний гудамж хүртэлх 2.8 км авто зам, гүүрний зорчих хэсгийн хөдөлгөөнийг албан ёсоор нээв
2024.09.08. Автозам, гүүрийн трасс (дроноос авсан зураг)
Энэхүү автозам гүүр нь Дунд гол ба Туул голын татам нийлсэн хамгийн өргөн хэсгийг огтлон тавигдаж байна. Голын татам дотор орон сууцны хотхон, мөн бусад барилга байгууламжууд аль хэдийнэ баригдсан буюу баригдаж эхэлсэн байна.
Дараалуулсан зургууд (хойноос урагш)
Slideshow-гаар гүйлгэж харвал (хойноос урагш)
2024.06.25. Наадамчдын замаас Энхтайвны өргөн чөлөө хүртэлх гүүр, автозамын ажлын явц, түүний дотор Туул гол дээгүүр тавигдаж байгаа гүүр авто зам усанд автсан асуудлаар Нийслэлийн замын хөгжлийн газар болон гүүрийг барьж байгаа “Тотал-Инж” ХХК-ийн зүгээс хамтран хэвлэлийн хурал зохион байгуулж мэдээлэл өгөв.
Зураг төслийн зөвлөх инженер Ч.Намшир, урт талын далан хийгдээгүй хэсэг усанд автсаныг томруулж яриад байгаад эмзэглэж байна, энд дор хаяж хоёр метрээс өндөр далан байх ёстой, та бүхэн зурган дээрээс харвал гүүр нь тэр дээгүүр байгаа, дээр нь 800 метр урт гүүр баригдана, гольдрил хаагдахгүй гэж ярьсан нь хожим баригдах дүүжин буюу дүүжин гүүртэй хамтруулан тайлбар хийв. “Тотал-Инж” компанийн гүйцэтгэх захирал О.Анхбаяр “Бид холбоос замыг барьж байгаа. Энд зөвхөн замын ажил биш, инженерийн шугам сүлжээ, дулаан, цахилгаан, холбоо , цэвэр, бохир, ТЭЦ-3-ын усны хангамжийн систем, ус сувгийн усны хангамжийн хонгилын систем гээд их хийцлэлтэй зам юм. Усанд автсан хэсэгт манайх урд талын ус сувгийн хонгилын системын ажлыг хийж дуусаад орох гэж байсан. Гүүр хийж байгаа газар голын гольдрилыг өөрчлөөд урсацыг өөр хэсгээр нь залж байгаад далан шорооны ажлыг хийгээд явдаг. Яг тэр хэсэгт ажил эхлээгүй байсан учраас тийм асуудал үүссэн. Одоо ус татраад эхлэхээр бид далан байгуулж усны гольдрилыг өөрчлөөд явна. Далан бетонон бэхэлгээтэй, усны үерийн хамгаалалттай тийм ажил байгаа. Усны гольдрилыг далангаар чиглүүлж өөрчилж өөр газраар урсгаж байгаад далангаар хийгээд буцаагаад гольдрилоор нь гүүр лүүгээ чиглүүлдэг. Манайх өнөөдрийн байдлаар ус тогтсон хотгор газарт ажил хийж эхлээгүй байгаа” гэхчлэн мэдэгджээ.
2024.06-21-22.
Энэ өдрүүдэд нийслэлд орсон аадар борооны дараа Туул голын усны түвшин огцом нэмэгдэж энд тавигдаж байгаа гүүр, авто замын трассын урд хэсэг хэсэг усанд автсан байна
2024.06.11. Бас нэр гүүрийн сураг гарав
Зам, тээврийн хөгжлийн яамны захиалгаар хийгдэж буй ТУУЛЫН АВТО ЗАМЫГ НИСЭХИЙН ХУРДНЫ АВТО ЗАМТАЙ ХОЛБОХ “НААДАМЧДЫН ГҮҮР” -ний зураг төслийн ажил дуусаж байна.
Наадамчдын авто зам дээгүүр барих энэхүү гүүр нь 800 у/метр. Монгол Улсын анхны дүүжин буюу татлагат гүүр болох юм. Энэхүү гүүр нь 2 урсгал, 4-6 эгнээ, 2 талдаа явган хүний замтай байх бөгөөд тулгуурын өндөр нь 65 метр байхаар тооцоолж байна. Гэрээнд заасны дагуу энэ сард зураг төслийн ажил бүрэн дуусаж 2024-2026 онд барилгын ажил нь хийгдэж ашиглалтад орно. Нийт 74 сая ам.долларын төсөвтэй уг гүүрийн нийт урт 846.5 у/м байх бол татлагат хэсгийн урт 270 у/м байна.
Энэхүү гүүр баригдсанаар Яармаг Нисэхийн чиглэлийн түгжрэл бүрэн арилж, хотын замын хөдөлгөөний эрчим сайжрах юм.
Эх сурвалж: https://mrt.gov.mn/i/4079
2023.05.23. Наадамчдын өргөн чөлөөг Эрчим хүчний гудамжтай холбох шинэ гүүрийн барилгын ажлын явцтай Нийслэлийн Засаг дарга Д.Сумъяабазар газар дээр нь очиж танилцав.
Энэ гүүр нь үеэр 481 метр, зургаан эгнээ, дөрвөн амрах тавцантай, хоногт 31,600 машин нэвтрүүлэх хүчин чадалтай бөгөөд гүүрийн зорчих хэсгийг 9-р сард нээнэ хэмээн мэдэгджээ
2024.05.13. Эрчим хүчний гудамжны авто замын өргөтгөл, их засварын ажил (Улаанбаатар хот, Баянгол дүүрэг, 20 дугаар хороо) тендер сонгон шалгаруулалт зарлав.
Төсөвт өртөг: 18,479,900,000 ₮
Эх сурвалж: https://www.tender.gov.mn/mn/invitation/detail/1715157159096
2023.10.18. “Туулын авто замыг Нисэхийн хурдны авто замтай холбох Наадамчдын гудамжны авто зам дээгүүр барих 800 у/м гүүрэн байгууламжийн төсөл” тендер сонгон шалгаруулалт зарлав
Санхүүжилтын эх үүсвэр: Концесс
Эх сурвалж: https://www.tender.gov.mn/mn/invitation/detail/1689411958844
2023.08.31. Наадамчдын авто замаас Энхтайваны өргөн чөлөө хүртэлх авто замын ажил (2 дугаар хэсэг) тендер шалгаруулалтын дүнг зарлав.
“Тотал-Инж” ХХК ба “Эйч Кэ Би интернэшнл холдинг” ХХК оролцож “Тотал-Инж” ХХК шалгарсан байна.
Эх сурвалж: https://www.tender.gov.mn/mn/result/detail/1689404689987
2023.07.28. Наадамчдын авто замаас Энхтайваны өргөн чөлөө хүртэлх авто замын ажил (2 дугаар хэсэг) тендер шалгаруулалт зарлав.
Нийт төсөвт өртөг: 27,462,300,000 ₮
Тухайн онд санхүүжих: 16,042,800,000 ₮
Эх сурвалж: https://www.tender.gov.mn/mn/invitation/detail/1689404689987
2024.05.29. “Туулын авто замыг Нүхтийн авто замтай холбох авто замын Наадамчдын гудамжны авто зам дээгүүр барих 800у/м гүүрний зураг төсөл боловсруулах” тендер сонгон шалгаруулалт зарлав
Төсөвт өртөг: Улсын төсвийн 2,000,000,000 ₮
Эх сурвалж: https://www.tender.gov.mn/mn/invitation/detail/1684821830793
2023.04.28. “Наадамчдын авто замаас Энхтайвны өргөн чөлөө хүртэлх авто зам, замын байгууламжийн барилгын ажил нэгдүгээр хэсэг /Улаанбаатар хот, Баянгол дүүрэг, 20 дугаар хороо, Хан-Уул дүүрэг, 4 дүгээр хороо/” тендер сонгон шалгаруулалт зарлав
Нийт төсөвт өртөг: 17,532,800,000 ₮
Эх сурвалж: https://www.tender.gov.mn/mn/invitation/detail/1680789181845
2023.04.26. Туулын авто замыг Нүхтийн авто замтай холбох авто замын Наадамчдын гудамжны авто зам дээгүүр барих 800у/м гүүрний зураг төсөл боловсруулах” тендер сонгон шалгаруулалт зарлав.
Төсөвт өртөг: Улсын төсвийн 2,000,000,000 ₮
Эх сурвалж: https://www.tender.gov.mn/mn/invitation/detail/1680788943463
2023 он. Гүүрийн барилгын ажлын эхлэлийн сансраас харагдах байдал
2022.10.15. Нийслэлийн Засаг дарга Д.Сумъяабазар гүүрний барилгын ажлын явцтай танилцжээ
Тус бүтээн байгуулалтыг үндэсний “Мотор сервис” ХХК-ийн хамт олон тендер сонгон шалгаруулалтад шалгарч, ямар нэг урьдчилгаа авахгүйгээр ажлаа эхэллээ гэж Нийслэлийн сургалт, судалгаа, олон нийттэй харилцах газрын хэвлэлийн мэдээнд дурдсан байв
2022.09.05. Гүүрийн барилгын ажлыг “Мотор сервис” ХХК эхлүүлсэн тухай мэдээлэв
2022.06.22. Төсвийн тодотголоор нийт төсөвт өртөгийг 40,424.9 тэрбумаар хасч 78,575.1 тэрбум төгрөг болгосон ба 2022 онд санхүүжих дүнгээс 20,0090.0 тэрбум төгрөг болгож бууруулсан тухай мэдээлжээ
2022.10.14. Автозам, барилгын ажлын танилцуулгын самбар ийм байв
2022.05.20. “Мотосервис” ХХК-тай автозамын гүүрийн барилгын ажлын гэрээ байгуулав
2022.05.11. “Наадамчдын авто замаас Энхтайваны өргөн чөлөө хүртэлх авто замын гүүрийн барилга 780 у/м” тендер шалгаруулалтад дараах компаниуд оролцож “Моторсервис” ХХК шалгарчээ
| 1. | Бодьпропертийз | 75,810,085,283.01 | 790,000,000 MNT | Хасагдсан | Шаардлагад нийцсэн тендер ирүүлээгүй тул татгалзав. | |
| 2. | Гангүүр | 78,899,908,401 | 790,000,000 MNT | Хасагдсан | Шаардлагад нийцсэн тендер ирүүлээгүй тул татгалзав. | |
| 3. | Эйч Кэ Би интернэшнл холдинг | 75,978,905,250 | 800,000,000 MNT | Хасагдсан | Шаардлагад нийцсэн тендер ирүүлээгүй тул татгалзав. | |
| 4. | Максрөүд | 81,688,331,581.78 | 790,000,000 MNT | Хасагдсан | Шаардлагад нийцсэн тендер ирүүлээгүй тул татгалзав. | |
| 5. | Моторсервис | 77,829,712,146 | 790,000,000 MNT | Шалгарсан | Гэрээ байгуулах эрх олгосон. |
2022.02.28. “Наадамчдын авто замаас Энхтайваны өргөн чөлөө хүртэлх авто замын гүүрийн барилга 780 у/м” тендер шалгаруулалтыг зарлав
Тендер шалгаруулалтын нэр: Наадамчдын авто замаас Энхтайваны өргөн чөлөө хүртэлх авто замын гүүрийн барилга 780 у/м
Тендер шалгаруулалтын дугаар: НХААГ/202202227
Санхүүжилтийн эх үүсвэр: Нийслэлийн төсвийн хөрөнгө
Нийт төсөвт өртөг: 78,900,000,000 ₮
Тухайн онд санхүүжих төсөвт өртөг: 24,761,000,000 ₮
Төрийн худалдан авах ажиллагааны цахим систем дэх холбоос
2021.12.05. Нийслэл Улаанбаатар хотын 2022 оны төсвийн баримт бичигт “Автозамын түгжрэлийг бууруулах бусад төсөл, хөтөлбөр, арга хэмжээнүүд”-ийн дунд ингэж танилцуулагдав
| 2. | Наадамчдын авто замаас Энхтайваны өргөн чөлөө хүртэлх авто зам, гүүрийн барилга | Эхлэх он 2022 | Дуусах он 2023 | Төсөвт өртөг 119,000.0 сая төг | 2022 онд санхүүжих 24,761.0 сая төг |
ХУРААНГУЙЛСАН ПОСТЕР (ХУУДСАН) ЗУРАГЛАЛ
УЛС, ОРОН НУТГИЙН ТӨСВИЙН ЗАРЦУУЛАЛТ, ХӨРӨНГӨ ОРУУЛАЛТ, ГАДААДЫН ЗЭЭЛ ТУСЛАМЖИЙН ТӨСӨЛ, ХӨТӨЛБӨРИЙН МОНИТОРИНГ 