Хууль зүй, дотоод хэргийн яам, Монгол банкны “нууц”барилгууд

УИХ-ын гишүүн Н.Алтанхуяг Монгол банк, ХЗДХЯ, Тагнуулын ерөнхий газрын барилгын төсвийг хэд хэдэн удаа асуусан ч хариулт авч чадаагүй ажээ

2021 оны 6-р сарын 22. УИХ-ын чуулганы нэгдсэн хуралдааны тэмдэглэлээс

УИХ-ын гишүүн Норовын Алтанхуяг:

… Монгол Улсын төсвөөс гаргаж энэ одоо татвар төлөгчдийн мөнгөнөөс гаргаж хийсэн ажлууд яагаад ингээд нууцад хамаараад явчхаад байдаг юм бэ? Тэгэхээр иймэрхүү харилцаагаа яг зохицуулж чадаж байна уу, үгүй юу. Энэ нийтийн. Миний одоо болгоомжлоод байгаа зүйл бол бид нарын гоё ганган хуулиуд гаргаж болно л доо. Яг амьдрал дээрээ тэр байгууллагын нөхөр чинь өөрөө хуулиар би нууцаа тогтоодог хүн гээд ингээд заагаад өгчихсөн учраас өөрсдөө ингээд Монголбанкны байшин хэдээр боссоныг одоо хүртэл надад хэлэхгүй байгаа шүү дээ. Хууль зүйн яамны байшин хэдээр боссоныг Нямбаатар сайд одоо болтол над хэлэхгүй. Энэ Баасандорж чинь худлаа тоо гаргаж өгч байна.

3 тэрбумаар босдог байшин тийм юм байхгүй л дээ. Тэгэхээр ингээд бид нар ард иргэд байтугай Их Хурлын гишүүн нь мэдээлэл авах эрх чөлөөгүй болчихсон л байна л даа. Тэгэхээр та нар маань энэ хуулийг оруулж ирж гаргах гэж байгаа. Өмнө нэг яриад та ийм ийм хууль оруулж ирээд одоо юмыг бүгдийг нь гоё болгоод алаад өгнө гэсэн, үүнийг бол би дэмжиж байна. Гэхдээ амьдрал дээрээ алаад өгөх болов уу, хаагаад хаячих болов уу гэдэг айдас надад болбол байна. Бүтэн 8 сараас хойш л би одоо маш олон бичиг өглөө шүү дээ. Одоо хамгийн сүүлд энэ Баасандорж гэдэг энэ төрийн нарийныг халмаар байна. Би Улсын Их Хурлын чуулган дээр Улсын Их Хурлын гишүүн мэдээлэл нэхэхэд өгнө гэж хэлчхээд … 12 сард байх аа. 12 сард төсөв мөнгө ярьж байхад би нэг асуудал хөндөөд. Ингэхэд одоо ерөөсөө эрхэм гишүүн танд бол би одоо ингээд л хуулийн дагуу өгнө гэсэн худал. Одоо өнөөдөр 6 сар гарчихсан. Үгүй ээ ийм байхад ямар элэнцгийнх нь одоо энэ нийтийн мэдээлэл ил тод болох гээд.  Аягүй гоё хууль баталдаг. Тэгээд амьдрал дээр ингэж хэрэгжүүлдэг. Тэр байтугай сайд, Төрийн нарийн бичгийн даргаас эхлээд хуулиа хэрэгжүүлдэггүй, хамаг юмыг ингээд доороо аваад дарчихдаг, нуучихдаг. Энэ бол хулгай дээрэм л хийсэн байхгүй юу. Тагнуул би одоо энэ байнга асууж байгаа шүү дээ. Тагнуулын байшин хэдээр боссон юм. Хууль зүйн байшин хэдээр боссон юм. Монголбанкны байшин хэдээр боссон юм. Бүх мэдээллийг ингээд хаачхаад байгаа байхгүй юу. Үгүй ээ, Их Хурлын гишүүнээс хаагаад байна шүү дээ. Тэгэхээр та нар маань энэ хууль дээрээ сайн ажиллаарай. Би оруулж ирж байгааг нь бол дэмжиж байгаа шүү дээ. Дотор нь ороод ярихаар зэрэг хэдүүлээ өшөө яг үнэхээр одоо ил тод болгох ийм л хэрэгтэй л байна. Миний хамгийн их харамсаж байгаа юм болбол Монгол Улсын татвар төлөгч … /минут дуусав/

С.Бямбацогт: Баасандорж дарга хариулъя. Тодорхой мэдээллүүд өгөх ёстой шүү дээ. Яагаад өгөхгүй байгаа юм… Барилгын үнэ асуусан шүү дээ. Тийм ээ. Хууль зүй, дотоод хэргийн яамны барилгын төсөвт өртөг хэд вэ? Тагнуул, Монголбанк гээд яриад байгаа шүү дээ. Бэлдээд хариулчхаарай, хариулт өгчхөөрэй. Мэдээлэл…

2021 оны 5-р сарын 27. УИХ-ын чуулганы нэгдсэн хуралдааны тэмдэглэлээс

УИХ-ын гишүүн Норовын Алтанхуяг:

-Энэ дээр бид нар нэг анхаарах асуудал байгаа юм. Энэ хүмүүсийн гаргасан өргөдөл дотор ийм байгаа юм, 2017 онд ингээд Төрийн болон албаны нууцын тухай хуулиар албаны нууцын жагсаалтыг тухайн асуудал эрхэлсэн Засгийн газрын гишүүн, байгууллагын даргын шийдвэрээр баталдаг болчихсон, 2017 онд. Тэгсэн чинь 2017 онд энэ нууцын мэдээлэл жар орчим байсан чинь 2019 онд 565 болсон. Тэгэхээр бид нар энэ Цэцтэй, Цэцгүй энэ хуулийг эргэж харах хэрэгтэй болоод байгаа юм. Би энэ зунаас хойш Их Хурлын гишүүний хувьд их олон бичиг өглөө. Энэ Монголбанкны байшин хэдээр боссон юм гэхээр өөдөөс байгууллагын нууц гээд тэмдэг дарж байгаа юм, Тагнуулын байшин хэдээр боссон юм бэ? Яахаараа Монгол Улсын татвар төлөгчдийн, иргэдийн энэ татвараас бүрдсэн мөнгийг зарцуулалт нь яахаараа нууц болдог юм, яагаад л байгууллагын нууц болчхоод байгаа юм бэ? Энэ бол маш ийм том завхрал үүссэн байна. 60-аад юм нууцалдаг байсан чинь 565. Та нар бод доо. Тэгэхээр энэ хүмүүс маш их чухал асуудал хөндсөн байна лээ. Энийг бид нар буруу, зөв гэхээс илүүтэй Улсын Их Хурал энэ дээр анхаараад, би одоо танай 62-т л хэлж байна шүү. Та нар ажлаа хийгээч. Энэ хуулийг өөрчлөх шаардлагатай юм байна лээ. Би та нарт тэр албан бичгийг дараа нь өгнө өө… Тэгэхээр манай 62 энэ дээр анхаарал тавиад, ингэж болохгүй шүү. Хууль зүйн байшин хэдэн төгрөгөөр боссон юм гэхээр нууц. Энэ одоо юу гэсэн үг вэ, Тогтохсүрэн дарга аа? Энэ нээрээн ёстой. Тэгээд одоо Их Хурлын гишүүн нь ингээд мэдээлэл авах, зүгээр хаа хамаагүй мэдээлэл биш шүү дээ. Улсын төсвөөс хэдэн төгрөг гарчхаад байгаа юм бэ гэхээр нууц. Би тэгээд өөдөөс нь бичсэн юм, битгий олон юм яриад бай, чи надад нууцын бус журмаар өг гэхээр өгөхгүй байгаа байхгүй юу.

Д.Тогтохсүрэн: Өгөх ёстой л доо.

Н.Алтанхуяг: Өгөх ёстой гэж, тэр та нарт л өгдөг байх л даа. Ингээд энэ Монголд чинь хууль ёс, их олон юм завхарч байна гэж би хэлээд байгаа юм. Би баримттай юм яриад байгаа шүү дээ, ямар нэгэн хоосон юм яриагүй байна…

2020 оны 12-р сарын 04. УИХ-ын чуулганы нэгдсэн хуралдааны тэмдэглэлээс

УИХ-ын гишүүн Н.Алтанхуяг:

Ер нь төсөв дотор чинь болбол байна шүү дээ. 2021 оны төсөв дотор. Хэрэггүй юм байгаа юу? Түм бумаараа байгаа. Би Сангийн сайд хийж байсан, Ерөнхий сайд хийж байсан хүн. Зөндөө олон удаа хэллээ. Шаардлагагүй байшин барилга. Би энэ чуулган эхлээд л ярьсан. Надад тагнуулын байшингийн төсвийг өгөөч. Нууц гэнэ ээ. Одоо миний амыг яаж барьж байна гээч, Их Хурал дээр. Нууц гэдэг бичиг надад өгөөд байшингийн төсөв өгчих юм. Алтанхуягийг Ерөнхий сайд байхад тагнуулын байшингийн төсөв нууц байгаагүй. Арван хэдэн тэрбумаар босож байсан байшинг нь би дуудлага худалдаагаар зар аа. Өнөөдөр тагнуулд байшингийн хэрэг алга аа. Ард түмэнд мөнгө хэрэгтэй гээд арван хэдэн тэрбумаар нь заруулаад явуулсан. Одоо надад нууц гээд өгчихсөн. Монгол банкны байшин хэдээр боссон юм гэсэн чинь эрхэм гишүүн ээ, нууц шүү. Та хамаагүй ярьж болохгүй гээд өгчихсөн юм. Энэ одоо ямар улс вэ? Хууль зүйн яамны байшин хэдээр боссон юм гэсэн чинь дөрөв аравны хэдхэн тэрбумаар боссон гээд өгчихсөн. Худлаа шүү дээ. Ингэж Их Хурлын гишүүдийн Монголын гишүүдийн амыг одоо нууц гэдэг ийм юмаар хааж болохгүй ээ. Би бичиг өгчихсөн байгаа. Буцаагаад. Битгий олон юм яриад бай. Би зүгээр төсвийн хэчнээн метр квадрат байшин юм, хэдэн тэрбум төгрөгөөр барьсан чинь нууцад ордоггүй юм аа, энийг буцаагаад өг гэсэн. Би дараа нь бүгдийг нь зарлаж хэлнэ ээ. Би нэг минутыг гүйцээж явна шүү.

Машин унаанд зөндөө олон мөнгө бий. Хэдэн арван тэрбум төгрөг бий. Би одоо болохгүй бол тэр лүү чинь ороод гаргаад өгье. Эд хогшилд зөндөө олон мөнгө бий. Дөч тавин тэрбумаар боссон байшинд хэдэн тэрбум төгрөгийн эд хогшил ордог гэж бодож байгаа юм. Дөрөв таван тэрбум төгрөгийн эд хогшил орно…

Монгол банкны 16 давхар шинэ барилга

Улаанбаатар. Улаанбаатар хот, Чингэлтэй дүүрэг, 1-р хороо, Бага тойруу, Б.Ширэндэвийн гудамж.

Барилгын гүйцэтгэгч: “Хурд” групп ХХК

Ашиглалтанд орсон: 2020 он

Одоо Монголбанк ба “Үндэсний цахим үйлчилгээний төв” гэсэн хаягтай. Мөн зарим хэсгийг Санхүүгийн зохицуулах хороонд түрээсэлдэг гэсэн мэдээлэл бий.

Монгол банкны 16 давхар орон сууцны барилга мөн 2020 онд ашиглалтанд оржээ

Төрийн байгууллагын шилэн дансны нэгдсэн системд Монгол банкны хуудас байдаг боловч мэдээлэл оруулдаггүй

Хууль зүй, дотоод хэргийн яамны 8 давхар шинэ барилга

Байрлал: Улаанбаатар. Чингэлтэй дүүрэг. Б.Ширэндэвийн гудамж 8/4, Засгийн газрын 5 байр

Барилгын гүйцэтгэгч: “Хурд” групп ХХК

Ашиглалтанд орсон: 2020 он

Монголын хот байгуулалтын хөгжлийн танхимаас ХЗДХЯ-ны барилгыг 2021 оны шилдэг барилгаар шалгаруулжээ.

ХЗДХЯ ба харьяа агентлагуудын 390 айлын орон сууцны барилга мөн 2020 онд ашиглалтанд оржээ.